2003-cü ildən etibarən fəaliyyətə başlamış "AtaHoldinq"
ASC iqtisadiyyatın müxtəlif sahələrində investisiya qoyuluşunu,
maliyyə vəsaitlərinin, habelə intellektual sərvətlərin idarə
olunmasını və korporativ idarəetməni
həyata keçirir.Qeyri-rezidentlərin investisiyaları hesabına
formalaşan nizamnamə kapitalı, əsasən maliyyə,
sənaye, telekommunikasiya və İT, xidmət, inşaat və turizm
sahələrinə yönəldilmişdir. "AtaHoldinq" ASC şirkətlər
qrupuna daxil olan bütün təsərrüfat subyektlərində fəaliyyət yüksək
professionallıq, yeni texnologiyaların tətbiqi və
korporativ idarəetmə prinsipləri üzərində qurulmuşdur.2006-cı ildə
"AtaHoldinq" ASC-nin menecment sistemi beynəlxalq
"Bureau Veritas" şirkəti tərəfindən İSO 9001 standartlarına uyğun sertifikatlaşdırılmışdır.
Holdinq Azərbaycanın həm fiziki, həm də intellektual resurslarından səmərəli istifadə etmək,
yeni iş yerlərini yaratmaq üçün sərmayə qoymaq, səhmdarlar, işçilər və müştərilərinin məmnunluğunu
ən üst səviyyədə təmin etmək və nəticədə Azərbaycanın rifahı və iqtisadi inkişafına
dəstək olmağı qarşısına məqsəd qoymuşdur.
"AtaHoldinq" ASC sosial yönümlü proqramlarda, xeyriyyə tədbirlərində yaxından iştirak edir,
ölkə mədəniyyəti və incəsənətinin inkişafı, təhsilin səviyyəsinin daha da artması məqsədilə
həyata keçirilən layihələri dəstəkləyir. Holdinqin şirkətləri öz fəaliyyətləri
ilə ölkə iqtisadiyyatının inkişafına, xalqın sosial rifahının yüksəlməsinə xidmət edir. Beynəlxalq
şirkətlər ilə ortaqlıqlar və birgə müəssisələr yaradaraq özünü bütün dünyaya tanıtmaq niyyətində
olan "AtaHoldinq" artıq Gürcüstan da öz nümayəndəliyini açmışdır. İngiltərə, Rusiya, Türkiyə və
Şimali Kipr Türk Respublikasında nümayəndəliklərin açılması planlaşdırılır.
| Bu səhifənin daimi ünvanı |
| Bu səhifəyə keçid kodu |
|
|
